کلج ناپوکا،رومانیہ:کلج ناپوکا کی رہائشی 20 سالہ کارمینا کوفاس، جو تاریخ کی طالبہ ہیں، کو مس یونیورس رومانیہ 2021 منتخب کیا گیا ہے۔
اس طرح وہ اسرائیل میں ہونے والے عالمی مقابلے میں رومانیہ کی نمائندگی کریں گی۔ قومی مقابلہ حْسن بخارسٹ میں ہوا۔ اس مقابلے میں رومانیہ بھر سے منتخب ہونے والی پچیس حسیناوں نے مس یونیورس رومانیہ 2021 کے مقابلے میں حصہ لیا، 
لیکن کارمینا اولمپیا کوفاس واحد حْسینا تھی جس نے گرینڈ فائنل میں جیوری کو متاثر کیا۔ 20 سالہ کارمینا کوفاس رومانیہ کہ شہر تارگو موریش میں پیدا ہوئی تھی۔ وہ فیکلٹی آف ہسٹری اینڈ فلسفہ ، یو بی بی کلج ناپوکا کی طالبہ ہیں اور 14 سال کی عمر سے ہی ماڈلنگ کے مقابلوں میں حصہ لینا شروع کردیا تھا۔
ماڈلنگ کے علاوہ موسیقی اور کھیل اْنکے پسندیدہ شعبے ہیں۔گذشتہ کئی سالوں سے وہ مختلف فیشن شوز اور مقابلہ حْسن کے مقابلوں میں شرکت کرچکی ہیں۔
