سول ایوی ایشن نے بیرون ملک سے آنیوالے مسافروں کیلئے ہدایت نامہ جاری

اسلام آباد(ایچ آراین ڈبلیو)سول ایوی ایشن اتھارٹی نے بیرون ملک سے آنے والے مسافروں کیلئے ہدایت نامہ جاری کردیا، جس میں کیٹگری سی ممالک سے پاکستانیوں کو 31اگست تک واپس آنےاجازت دے دی۔سول ایوی ایشن اتھارٹی نے بین الاقوامی پروازوں، چارٹرڈ اور نجی پروازوں کے مسافروں کیلئے ہدایت نامہ جاری کردیا ، جس میں کہا گیا ہے کہ کیٹگری سی ممالک سے پاکستانی 31اگست تک بغیر اجازت واپس آسکتےہیں۔اس حوالےسےڈائریکٹر ایئر ٹرانسپورٹ عرفان صابر نے متعلقہ حکام کو مراسلہ جاری کیا ہے ، جس میں پاکستان آنے سےقبل مسافروں کیلئے72گھنٹےپہلے کا منفی پی سی آرٹیسٹ لازمی قرار دیا۔ایک نجی ٹی وی کی رپورٹ کے مطابق مراسلے میں کہا کہ کیٹگری سی ممالک سےدیگرمسافروں کی پاکستان آمدپرپابندی برقرار ہے، پاکستان آنیوالے مسافروں کوٹیسٹ ،دیگر ایس او پیز پرعمل کرنا ہوگا، اس سلسلے میں متعلقہ حکام ہدایات پر سختی سے عملدرآمد کرائیں۔یاد رہے 13 جولائی کو سول ایوی ایشن اتھارٹی نے کیٹیگری سی کے ممالک کےلیے نیا سفری ہدایت نامہ جاری کیا تھا ، جس میں کہا تھا کہ سی کیٹیگری ممالک سےصرف پاکستانی شہریت والوں کوآنےکی اجازت ہوگی۔