کولمبو: سری لنکا کے وکٹ کیپر بلے باز کشل پریرا کندھے کی چوٹ کے سبب ہندوستان کے خلاف آئندہ ون ڈے سیریز اور ٹی 20 سے باہر ہوگئے ہیں۔ سری لنکا کرکٹ (ایس ایل سی) نے گزشتہ روز اس کی تصدیق کی ہے۔ پریرا کے باہر ہونے کا مطلب ہے کہ سری لنکا اپنی پہلی پسند کے وکٹ کیپر کے بغیر ہی سیریز کھیلے گی۔ پریرا کے بدلے میں سری لنکا کے پاس نروشن ڈکویلا موجود ہیں جنہیں انگلینڈ کے حالیہ دورے پر بائیوببل کی خلاف ورزی کے بعد معطل کیا گیا تھا۔
