ایوی ایشنبین الاقوامیتارکین وطنروس

روس میں پائلٹ کی مہارت نے 17 مسافروں کی جان بچالی

دو ریسکیو ہیلی کاپٹرز نے سرچ آپریشن کا آغاز کردیا، فوٹو: فائل

دو ریسکیو ہیلی کاپٹرز نے سرچ آپریشن کا آغاز کردیا، فوٹو: فائل

ماسکو: سائیبیریا میں لاپتہ ہونے والے روسی طیارے انتونوف-28  کے پائلٹ نے رابطہ منقطع ہونے کے بعد ہنگامی لینڈنگ کرکے 17 مسافروں کی جان بچالی۔

عالمی خبر رساں ادارے کے مطابق روس میں علاقائی نجی فضائی کمپنی کے مسافر بردار طیارے انتونوف-28 کی ڈومیسٹک فلائٹ کا رابطہ پرواز بھرنے کے کچھ ہی دیر بعد ٹومسک کے مقام پر رابطہ کنٹرول ٹاور سے منقطع ہوگیا تھا۔

فیڈرل ایوی ایشن کے ترجمان کا کہنا ہے کہ ماسکو سے ٹومسک جانے والا طیارہ سائیبیریا کے علاقے میں پرواز کے دوران اچانک لاپتہ ہوگیا۔ طیارے میں عملے کے 3 ارکان اور 14 مسافر موجود تھے۔ طیارے کو ڈھونڈنے کے لیے دو ہیلی کاپٹرز روانہ کردیئے گئے ہیں۔

یہ خبر بھی پڑھیں : روس میں مسافر بردار طیارہ سمندر میں گر کر تباہ

تاہم اب اطلاعات موصول ہوئی ہیں کہ خراب موسم کے باعث طیارے کے پائلٹ نے عمودی پرواز کرتے ہوئے کمال مہارت سے ہنگامی لینڈنگ کرکے طیارے کو حادثے سے بچالیا۔

واضح رہے کہ دو ہفتے قبل روس میں ہی ایک مسافر بردار طیارہ گر کر تباہ ہوگیا تھا جس کے نتیجے میں 28 افراد ہلاک ہوگئے تھے۔

مزید دکھائیے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

متعلقہ خبریں

Back to top button

اپنا ایڈ بلاکر تو بند کر دیں

آواز ، آزادی صحافت کی تحریک کا نام ہے جو حکومتوں کی مالی مدد کے بغیر خالص عوامی مفادات کی خاطر معیاری صحافتیاقدار کی ترویج کرتا ہے اپنے پسندیدہ صحافیوں کی مدد کے لئے آواز کو اپنے ایڈ بلوکر سے ہٹا دیں