کولکاتا: مغربی بنگال اسمبلی انتخابات میں ترنمول کی کامیابی کے بعد بی جے پی میں بھگدڑ مچی ہوئی ہے۔ ترنمول کانگریس کے ریاستی سکریٹری کنال گھوش نے دعویٰ کیا ہے کہ کئی بی جے پی لیڈران ترنمول کانگریس کے رابطے میں ہیں۔ کنال گھوش نے یہ بھی دعویٰ کیا ہے کہ انتخابات سے قبل ترنمول کانگریس کو چھوڑ کر بی جے پی میں شامل ہونے والے قائدین اب میل اور واٹس ایپ کے ذریعہ ترنمول کانگریس میں واپس آنے کی اپیل کر رہے ہیں۔ بنگال ترنمول کے جنرل سکریٹری کنال گھوش کا کہنا ہے کہ پارٹی سپریمو ممتا بنرجی اس بارے میں حتمی فیصلہ کریں گی۔
