پاکستانتجارتچینمعیشت

پاک چین سفارتی تعلقات کی 70 ویں سالگرہ کی مناسبت سے سرگرمیوں کی افتتاحی تقریب

اسلام آباد/ بیجنگ: گزشتہ روز چین کے ریاستی کونسلر اور وزیر خارجہ وانگ ای نے بیجنگ میں ویڈیو لنک کے ذریعے پاکستانی وزیر خارجہ شاہ محمود قریشی کے ساتھ مل کر پاک چین سفارتی تعلقات کے قیام کی 70 ویں سالگرہ منانے کی سرگرمیوں کی افتتاحی تقریب میں شرکت کی۔

وانگ ای نے کہا کہ چین پاکستان سفارتی تعلقات کے قیام کے ستر برسوں میں دونوں ممالک نے جامع تعاون کا مظاہرہ کیا ہے اور سدا بہار دوستی قائم کی ہے۔

چین اور پاکستان کو سفارتی تعلقات کے قیام کی سترویں سالگرہ کے موقعے سے فائدہ اٹھاتے ہوئے مزید اعلی معیار، وسیع پیمانے اور گہری سطح کا تعاون کرنا چاہیے۔

فریقین کو ایک دوسرے کے کلیدی مفادات اور دلچسپی کے امور پر ایک دوسرے کی مضبوط حمایت جاری رکھنی چاہیے۔

پاکستانی وزیر خارجہ شاہ محمود قریشی نے کہا کہ پاکستان ’’ایک چین‘‘ کی پالیسی پر ثابت قدم رہے گا اور ’’دی بیلٹ اینڈ روڈ‘‘ انیشی ایٹیو کی بھرپور حمایت کرتا ہے۔

اس موقع پر دونوں وزرائے خارجہ نے پاک چین سفارتی تعلقات کے قیام کی 70 ویں سالگرہ کے لوگو کا اجراء بھی کیا۔

چینی وزارت خارجہ کے ترجمان وانگ وین بین نے کہا کہ 2 مارچ کو چین کے ریاستی کونسلر اور وزیر خارجہ وانگ ای نے بیجنگ میں ویڈیو لنک کے ذریعے پاکستانی وزیر خارجہ شاہ محمود قریشی کے ساتھ مل کر چین پاکستان سفارتی تعلقات کے قیام کی سترویں سالگرہ کی مناسبت سے منعقد کی جانے والی سرگرمیوں کی افتتاحی تقریب میں شرکت کی۔

وانگ وین بین نے تعارف کرتے ہوئے کہا کہ پاک چین تعلقات کے قیام کی سترویں سالگرہ کی مناسبت سے سیاست، معیشت و تجارت، ثقافتی تبادلے سمیت متعدد شعبوں میں تقریباً سو سرگرمیوں کا انعقاد کیا جائے گا جن کا اعلان پاکستان کے ساتھ مشاورت کے بعد جلد ہی کیا جائے گا۔

’’ہمیں یقین ہے کہ دو طرفہ مشترکہ کوششوں کے ذریعے پاک چین روایتی دوستی کو مزید آگے بڑھایا جائے گا،‘‘ انہوں نے کہا۔

مختلف شعبوں میں باہمی حقیقی تعاون کو مزید فروغ دیا جائے گا، دونوں ملکوں کے عوام کے درمیان باہمی رابطوں کو مزید مضبوط بنایا جائے گا تاکہ پاک چین جامع اسٹریٹجک تعاون کے ساتھ تعلقات کو ایک نیا عروج دیا جاسکے۔

منبع: ایکسپریس نیوز

مزید دکھائیے

متعلقہ خبریں

Back to top button

اپنا ایڈ بلاکر تو بند کر دیں

آواز ، آزادی صحافت کی تحریک کا نام ہے جو حکومتوں کی مالی مدد کے بغیر خالص عوامی مفادات کی خاطر معیاری صحافتیاقدار کی ترویج کرتا ہے اپنے پسندیدہ صحافیوں کی مدد کے لئے آواز کو اپنے ایڈ بلوکر سے ہٹا دیں