ہالی ووڈ کی مشہور و معروف فلم Avengers Endgame میں آئرن مین نے جو کار چلائی تھی، وہ اب حقیقت میں بھی مارکیٹ میں متعارف کرا دی گئی ہے۔
تفصیلات کے مطابق آئرن مین کی کار ای ٹرون جی ٹی گرینڈ ٹور (Audi e-tron GT) مارکیٹ میں متعارف کرا دی گئی، معروف جرمن آٹو موبائل مینوفیکچرر آڈی کی یہ کار بھی ہائی پروفائل فلمی کرداروں میں دکھائی جانے والی مستقبل کی جدید ترین کاروں کی تیاری کا تسلسل ہے۔
ای ٹرون جی ٹی گرینڈ ٹور نامی یہ جدید ترین الیکٹرک کار اپریل 2019 کی فلم ایونجرز اِنڈ گیم میں ٹونی سٹارک (رابرٹ ڈونی جونیئر) نے چلائی تھی، اور تقریباً دو سال بعد ہی آڈی نے یہ کار ڈیلر شورومز پہنچا دی ہے۔
آڈی نے ای ٹرون جی ٹی گرینڈ ٹور الیکٹرک کار کے اس نئے ورژن کی قیمت 1 لاکھ 33 ہزار 105 برطانوی پاؤنڈ مقرر کی ہے جو کہ گزشتہ ورژن سے تقریباً دوگنی ہے۔
آراء:
98
