پاکستانلاہور

سیکیورٹی فورسز کا شمالی وزیر ستان میں آپریشن، 5 دہشت گرد ہلاک – Urdu News – Today News

راولپنڈی: صوبہ خیبرپختونخوا کے ضلع شمالی وزیرستان میں سیکیورٹی فورسز نے آپریشنز میں دو اہم دہشت گرد کمانڈرز سید رحیم اور سیف اللہ نور سمیت 5 دہشت گردوں کو جہنم واصل کردیا ہے ۔

پاک فوج کے شعبہ تعلقات عامہ (آئی ایس پی آر) کے مطابق آپریشن شمالی وزیرستان کے علاقوں میرعلی اور خیسور میں خفیہ اطلاعات پر کیے گئے، جس کے دوران 5 دہشت گرد مارے گئے، ہلاک دہشتگردوں میں کمانڈر سید رحیم اور سیف اللہ نور بھی شامل ہیں۔

آئی ایس پی آر کے مطابق ہلاک دہشت گرد کمانڈر سید رحیم 2007 سے اب تک سیکیورٹی فورسزپر 17 دہشت گرد حملوں میں ملوث رہا جبکہ دہشت گرد سید رحیم وانا اور میرعلی میں دو خودکش مراکز کا انچارج بھی تھا۔ رحیم کو ملک دشمن ایجنسیوں نے ٹارگٹ کلنگ اور دہشت گردوں کی ریکروٹنگ کا ٹاسک دے رکھا تھا،

ترجمان پاک فوج کا کہنا ہے کہ سید رحیم میرعلی میں 4 قبائلی عمائدین اور شمالی وزیرستان میں ایک کمپنی کے 3 انجنئیرز کے قتل میں بھی ملوث تھا، جبکہ دہشتگرد کمانڈر سیف اللہ نور خیسور میں سیکیورٹی فورسزپر حملوں میں براہ راست ملوث تھا۔

مزید دکھائیے

متعلقہ خبریں

Back to top button

اپنا ایڈ بلاکر تو بند کر دیں

آواز ، آزادی صحافت کی تحریک کا نام ہے جو حکومتوں کی مالی مدد کے بغیر خالص عوامی مفادات کی خاطر معیاری صحافتیاقدار کی ترویج کرتا ہے اپنے پسندیدہ صحافیوں کی مدد کے لئے آواز کو اپنے ایڈ بلوکر سے ہٹا دیں