پاکستانٹیکنالوجیحقوقدینیاتکراچیگلگت بلتستانلاہور

گلگت بلتستان  میں اصلاحات لائیں گے

– آواز ڈیسک –

پاکستان کے وفاقی وزیر برائے سائنس و ٹیکنالوجی فواد چودھری نے کہا ہے کہ گلگت بلتستان کمیٹی بلاول بھٹو کی تجویز پر ہی اسپیکر قومی اسمبلی اسد قیصر کی سربراہی میں بنائی گئی ہے۔

نجی ٹی وی کے ساتھ گفتگو کرتے ہوئے فواد چودھری کا کہنا تھا کہ اپوزیشن کی تجویز ماننے کے باوجود اپوزیشن نے ہی کمیٹی کا بائیکاٹ کیا۔ ان کا کہنا تھا کہ اپوزیشن چاہے یا نہ چاہے گلگت بلتستان  میں اصلاحات لائیں گے۔ ان کا کہنا تھا کہ پیپلز پارٹی اور مسلم لیگ (ن) کے رہنماء استعفے نہیں دیں گے، مسلم لیگ (ن) کی قیادت کا پتہ ہی نہیں تو مقبولیت کیسی۔؟ وفاقی وزیر نے کہا کہ مسلم لیگ (ن) کی قیادت موجود ہی نہیں، اس لیے دھڑے بننے کا خدشہ تو رہے گا۔

فواد چودھری کا کہنا تھا کہ مسلم لیگ (ن) کے کارکن مایوس ہیں، پنجاب میں لیگی دھڑے نے نواز شریف کی اداروں کے خلاف تقریر پر اظہار مایوسی کیا۔ ان کا کہنا تھا کہ اپوزیشن جماعتوں کی اپنے پیسوں کے تحفظ کے علاوہ کوئی دلچسپی نہیں۔ وزیر برائے سائنس و ٹیکنالوجی نے کہا کہ نواز شریف نے قومی اداروں کے خلاف بات کرکے اپنے پاؤں پر کلہاڑی ماری۔ ان کا کہنا تھا کہ مولانا فضل الرحمان کھلاڑی ہیں نہ ہی کوئی کردار رکھتے ہیں، ان کی اور آصف علی زرداری کی دلچسپیاں مختلف ہیں۔ فواد چودھری نے کہا کہ تفتیش کے طریقہ کار کو بہتر کرنے کی بہت ضرورت ہے، شہباز شریف نے تھانوں پر رقم خرچ کی، لیکن نظام کو بہتر کرنے پر توجہ نہیں دی۔

http://www.taghribnews.com/vdcdo50ozyt05x6.432y.html

جملہ حقوق بحق مصنف و ناشرمحفوظ ہیں .
آواز دینی ہم آہنگی، جرات اظہار اور آزادی رائے پر یقین رکھتا ہے، مگر اس کے لئے آواز کا کسی بھی نظریے یا بیانئے سے متفق ہونا ضروری نہیں. اگر آپ کو مصنف یا ناشر کی کسی بات سے اختلاف ہے تو اس کا اظہار ان سے ذاتی طور پر کریں. اگر پھر بھی بات نہ بنے تو ہمارے صفحات آپ کے خیالات کے اظہار کے لئے حاضر ہیں. آپ نیچے کمنٹس سیکشن میں یا ہمارے بلاگ سیکشن میں کبھی بھی اپنے الفاظ سمیت تشریف لا سکتے ہیں. آپکے عظیم خیالات ہمارے لئے نہایت اہمیت کے حامل ہیں، لہٰذا ہم نہیں چاہتے کہ برے الفاظ کے چناؤ کی بنا پر ہم انہیں ردی کی ٹوکری کی نظر کر دیں. امید ہے آپ تہذیب اور اخلاق کا دامن نہیں چھوڑیں گے. اور ہمیں اپنے علم سے مستفید کرتے رہیں گے.

مزید دکھائیے

جواب دیں

آپ کا ای میل ایڈریس شائع نہیں کیا جائے گا۔

متعلقہ خبریں

Back to top button